सिझेरियन डिलिव्हरी झाल्यामुळे बाळाची आई भूल दिल्यामुळे ऑपरेशन थिएटर मधून बाहेर आल्यावर सुरुवातीला काही काळ थोड्याश्या धुंदीत असते, आमच्या बाबतीत देखील तेच झालं आणि बाळाला अंगावर पाजण्यासाठी प्रयत्न देखील केले पण बाळ फारसं पित नव्हतं, आम्हाला डॉक्टर्स आणि काही जाणकार लोकांनी देखील सांगितले की बऱ्याचदा सिझेरियन डिलिव्हरी नंतर माते ला लगेच दूध येत नाही तिसऱ्या किंवा चौथ्या दिवशी येते आमच्या बाबतीत ते तिसऱ्या दिवशी आलं तोपर्यंत बाळाला Dexolac पावडर च दूध बनवून दिलं.
हे पावडर च दूध बनविताना आणि पाजतांना ज्या भांड्यामध्ये किंवा वाटी मध्ये आपण दूध बनवितो आणि पाजतो ती भांडी प्रत्येक फीड नंतर स्वच्छ धुवून गरम पाण्यात टाकून ठेवावी व मगच वापरावी यामुळे बॅक्टरीया होण्यास अटकाव होतो.
मातेला दूध यायला लागल्यानंतर मात्र स्तनपान वरच भर द्यावा जेणेकरून बाळाला अंगावर पिण्याची सवय होईल व मातेच्या स्तनांमधील दूध निघून जाऊन नवीन दूध तयार होत राहील. सुरुवातीला काही कारणांमुळे बाळ जरी अंगावर पित नसेल तरी हे आधीचे दूध मातेच्या स्तनांमधून पिळून किंवा पंपाने काढून टाकावे किंवा बाळाला पाजावे.
हे दूध जर काढले नाही तर त्याच्या गाठी तयार होऊन आणखी समस्या निर्माण होऊ शकतात.
खूपदा बायका गैरसमज करून घेतात की त्यांना दूध येत नाही त्यामुळे त्या बाळाला अंगावर पाजत नाहीत पण हा त्यावरच उपाय नाहीये उलट जरी कमी दूध येत तरी देखील बाळाला अंगावर पाजलच पाहिजे तुमचं दूध आणण्यासाठी त्याच ओढणं महत्वाचं आहे त्यामुळे बाळाला शक्यतो अंगावर पाजण बंद न केलेलं बर सोबत दुसरं दूध (फॉर्म्युला) दिल तरी चालतं. त्यासोबत दुधवाढीसाठी योग्य तो आहार किंवा वैद्यकीय उपचार असतील ते केले तरी मदत होईल.
मी इंटरनेटवर विविध हेल्थ साईट्सवर केलेल्या तपासानुसार अगदी लहान किंवा काही महिन्यांच्या बाळाला गायीचं दूध देऊ नये खूप लोक गायीचं दूध देण्यासाठी आग्रही असतात पण 6 महिन्यानंतर ते ठीक आहे त्याआधी नको गायीचं दूध त्यातील काही घटकांमुळे बाळाच्या मूत्रपिंड वर परिणाम करते.
सध्या स्तनपाना बाबत इतकीच माहिती देतोय आणखी अपडेट झालं तर नवीन पोस्ट करेल.
-उमेश महाजन
